Mat 24:42-46 | SwhKC | STEP | “Basi kesheni, kwa sababu hamjui ni siku gani atakapokuja Bwana wenu.

Matthew 24:42-46

42 ^a“Basi kesheni, kwa sababu hamjui ni siku gani atakapokuja Bwana wenu. 43 ^bLakini fahamuni jambo hili: Kama mwenye nyumba angejua ni wakati gani wa usiku ambao mwizi atakuja, angekesha na hangekubali nyumba yake kuvunjwa. 44 ^cKwa hiyo ninyi pia hamna budi kuwa tayari, kwa sababu Mwana wa Adamu atakuja saa msiyotazamia.

Mfano Wa Mtumishi Mwaminifu

(Luka 12:41-48)

45 ^d“Ni nani basi aliye mtumishi mwaminifu na mwenye busara, ambaye bwana wake amemweka kusimamia watumishi wengine katika nyumba yake, ili awape chakula chao kwa wakati unaofaa? 46 ^eHeri mtumishi yule ambaye bwana wake atakaporudi atamkuta akifanya hivyo.